add

गोमनशिङ हत्या प्रकरण : पत्रकार सम्मेलन रद्ध गरेर ‘प्रेस नोट’ द्वारा सार्वजनिक

झिलझिले / झापाको शिवसताक्षी ११ मा गत भदौ १६ गते साथीको हत्या गर्ने अभियुक्त मनकुमार लिम्बुलाई प्रहरीले आज सार्वजनिक गरेको छ । जिल्ला प्रहरी कार्यालय झापाले पत्रकार सम्मेलन गरेर घटनाको बेलिविस्तार सार्वजनिक गर्ने निर्णय गरेको थियो । तर, शनिबार बिहान पत्रकार सम्मेलन रद्धगरेर प्रेस नोट बाटै घटनामा संलग्न र अन्य विवरण सार्वजनिक गरेको हो ।

अभियुक्त लिम्बु शिवसताक्षी–८ का ३२ वर्षका छन् । उनलाई प्रहरीले घटना भएको १८ भदौमा पक्राउ गरेको हो ।

शिवसताक्षी–११ का २९ वर्षीय गोमनसिंह मगरको भदौ १६ गते झिलझिले स्थित पूर्वपश्चिम राजमार्गबाट एक किलोमिटर उत्तर धाम जाने बाटोको छेउमा विभत्स हत्या भएको थियो । शब भदौ १७ विहान मात्र भेटिएको थियो ।

जिल्ला प्रहरी कार्यालय झापाले आज अभियुक्तलाई सार्वजनिक गर्दै हत्यामा संलग्न लिम्बुले अपराध स्वीकार गरेको जनाएको छ । प्रहरीले दुबैबीच आर्थिक लेनदेनमा असमझदारी रहेको र घटना भएको साँझ साढे ६ बजेतिर अभियुक्तले बोलाएर गोमनसिंह मगरलाई हावा खान जाऔं भनी जंगलतिर लगेको अनुसन्धानबाट खुलेको जनाईएको छ ।

साथीको आग्रहमा मनकुमारलाई आफ्नै मोटरसाइकलमा पछाडि चढाएर गोमनसिंह विश्वासका साथ जंगलमा गएका थिए । तर धोकेबाज मनकुमारले गुडिरहेको मोटरसाइकलमै पछाडि बसेर धारिलो छुरीले गोमनसिंहको गर्धन रेटेको प्रहरीले जनाएको छ ।

प्रहरीले अभियुक्तलाई जन्मकैदको सजाय माग गरी आइतवार झापा जिल्ला अदातलमा मुद्दा पेश गर्ने तयारी गरेको छ ।घटनास्थल छेउछाउ प्रहरीले मृतकले चलाएको प्रदेश ०१९०१०१२ प ५२२५ नं को मोटरसाइकल, आइफोन, धारिलो छुरी र अभियुक्तले प्रयोग गरेको मोवाइल बरामद गरेको जनाएको छ ।

अभियुक्तले हत्या पश्चात मोटरसाइकललाई केही पर झाडीमा घिस्याएर छाडिदिएको, शबलाई नालीमा फालेको र मोवाइल तथा छुरीलाई खोलामा मिल्काएको प्रहरीको भनाई छ । प्रहरीले खोलामा फालिएका दसी प्रमाणहरु स्काभेटरले खोला थुनेर स्थानीयवासीको सहयोगमा खोजतलास गरी फेला पारेको थियो ।

कमेन्ट गर्नुस्

वेलकम सताक्षीधाम

वेलकम सताक्षीधाम झापाको शिवसताक्षी नगरपालिकाबाट सञ्चालित अनलाइन न्यूज पोर्टल हो । थप जानकारीका लागि welcomesatakshidham@gmail.com मा सन्देश पठाउनु होला ।

Read Previous

गोमानसिंहको हत्या मनकुमार एक्लैले गरेको स्वीकार

Read Next

बालिका अपहरणमा संलग्न एम्बुलेन्स सहित ३ पक्राउ

Leave a Reply

Your email address will not be published. Required fields are marked *